Деловой тувинский язык

Учебное пособие составлен для студентов, изучающий вопросы, связанные с официально-деловым стилем тувинского языка и делопроизводством, а также для специалистов широкого профиля, в первую очередь для работников службы управления.

Киирилде сөс

Ажыл-херектиң тыва дылы. Тыва дыл эртеминде ам-даа чедир шинчилеттинмээн айтырыг. Амгы үеде ук тема-биле холбашкан албан-херек стилинге хамаарыштыр айтырыгны көөр чүве болза, ооң сайзыралы болгаш дыл-домааның онзагайларын Ш.Ч. Сат биле Д.А. Монгуштуң [Монгуш 1967: 112-121; Сат 1973: 178; Сат 1980: 45-57], У.П. Өпей-оолдүӊ [Өпей-оол 1989: 10-11; Өпей-оол 1993: 49-54], Л.С. Кара-оолдүӊ [Кара-оол 2009: 19-25; 2017: 137-142] Л.С. Кара-оол биле У.А. Даржаның [2014] элээн каш ажылдарында чырыткан.

Амгы үеде Тыва Республикада тыва дыл орус дыл-биле чергелештир күрүне дылы деп хоойлу ёзугаар бадылаттынган-даа болза, кѳрүп турар айтырыывыска хамаарыштыр функциязын чедир күүсетпейн турар. Ооң кол чылдагааны – бижимел албан-херек айтырыгларын шиитпирлеп тура, тыва дылды ховар ажыглап, янзы-бүрү документилерни орус дыл кырында тургузуп турары.

Ук дузалал ѳѳредилге номун Тываның күрүне университединиң 46.03.01 «Документоведение болгаш архивоведение» деп угланыышкынында ѳѳренип турар бакалавр студентилер практиктиг кичээлдерге ажыглаары-биле тургускан.

…